| 大家仲記得衣一幕嗎?
美麗之最
Teen: 你比我飲埋衣杯先啦...
Sam: 你唔好飲咁多啦... 再飲你就會醉架啦...
Teen: ... 醉左咪仲好... 唔駛記住啲
唔開心既野... <開始有d醉> 我同我以前個女朋友拍左拖五年架啦... 但係果時佢要過澳洲讀書,佢話要搵返自己既理想... 所以... 我地就分開左啦...
<音樂 : volar淡出, 情永落入, 襯底>
Teen: <唱> 離開你以後彷似餘生無多... 從此怎呼吸也都不甚清楚... 呢首歌... 我作架... 係我作俾佢架... <痛哭... >
Sam: teen... 你醉啦...
Teen: <激動> 我冇醉... 我冇醉呀... !! <突然平復... 强顏歡笑... 自己呃自己> 我冇野喎... 都已經過左去啦...!
Sam: teen... 你唔好咁啦... 你咁樣我會好擔心你架...
<音樂: 插曲放大>
旁
白: 過去... 每個人都有屬於自己既過去... 開心或傷心, 希望或失望, 擁有或失去, 以上經歷... 造就今日既你...
有人可以好豁達o甘忘記過去而面對將來, 但偏偏就有好多人依然會執着于過去... 名同利, 人同事, 甚至係一句簡單既説話,
佢地都會放唔低... 因爲過去對於佢地黎講... 係無奈... 係失望... 更係遺憾...
~*~~*~**~*~*~*~*~**~*~*~*~~*~*~*~~*~*~~**~*~*~*~~*~~*~*~*~~
好多人都應該有同自己講過類似咁既說話... 假如當年我做左某件事, 唔知而家會點呢?
假如當年我識倒某個人, 唔知而家會點呢?
咁你又估下... 假如當年teen認識既唔係ice... 劇情會發展成點呢?
~*~~*~**~*~*~*~*~**~*~*~*~~*~*~*~~*~*~~**~*~*~*~~*~~*~*~*~~
美麗之醉
Sam: 你唔好飲咁多啦... 再飲你就會醉架啦...
Teen: ... 醉左咪仲好... 醉左咪唔駛揀酒飲囖... <開始有d醉> 我同我以前個女朋友拍左拖五年架啦... 但係果時佢成日都要揀酒飲架... 話要搵返自己既口味喎... 終于就搞到我成日都嘔！最後... 我地咪分開左囖...
<音樂 :volar淡出, 情永落入, 襯底>
Teen: <唱> 離開你以後好似無嘔得o甘多... 從此飲乜酒也都不甚清楚... 呢首歌... 我作架... 係我作俾佢架... <痛哭... >
Sam: teen... 你醉啦...
Teen: <激動> 我冇醉... 我冇醉呀... !!
<突然平復... 强顏歡笑... 自己呃自己> 我冇野喎... 都已經過左去啦... 我.... 我.........<突然嘔吐聲>
Sam: teen... 你唔好咁啦... 你咁樣... 你咁樣... 會嘔到我成身都係架！
<更多嘔吐聲>
<音樂出: 情永落放大>
唱: 離開你以後好似無嘔得o甘多... 從此飲乜酒也都不甚清楚... 旁
白: 飲醉... 每個人都有自己飲醉既時候... 大醉或者小醉, 真醉或者假醉, 而你嘔得幾多, 就視乎你飲得幾醉...
有人可以好豁達o甘唔揀酒飲... 偏偏就有好多人依然會執着于種類... brandy 或whisky, vodka或 tequila,
紅酒或白酒, 啤酒或米酒, 甚至係簡單既火酒, 佢地都會好講究... 因爲種類對於佢地黎講... 係直接影響佢地可以嘔得幾多, 嘔得幾靚,
同埋嘔得幾舒服... 唱: 每次也飲醉 其實嘔得什麽 能否再飲過.....
>> Download 美麗之醉 << |
